Elegia Ger. Nicolai Heerkensis in editionem Antilucreti

Ecce Poligniaci Batavae damus otia luci

      Otia; nam magno vir aliunde viro.

Illa typis male ne Sofiorum incuria foedet

      Cavimus; hinc studiis saepe revisa meis.

5

Sic opus egregium, (quod nulla redarguet aetas

      Quod superi laudant Pieridesque colunt)

Accipiat nullas Batava de luce tenebras

      Nam nimium quoties, pro dolor, illa nocet.

Sic gratare mihi pro Relligione quid ipsi

10

      Fecimus, et puero iam sacra cura fuit.

O sua si Phrisium commendet Musa poetam

      Aut alias tenuis fama paranda foret.

Hinc mihi primum illud veniat decus; annue castis

      Mnemosyne votis, hinc mihi nomen amem.

15

Sperabam dum nuper opus sublime Racini

      Versibus Ausoniis tradere nisus eram,

Sperabam fore Religio tibi gratus ut essem

      Nomen, et hinc meritis diva benigna dares.

Sed quia cessamus viresque operosa terebat

20

      Cura, Poligniaci nos redimamus ope.

Forsitan et quondam, Lachesis nisi saeva vetabit

      Ah, nimium misero quam properare putant.

Fforsitan albenti cingens tibi tempora vitta

      Pro Dis audebit nostra Thalia loqui

25

Tu modo, quam veneror Clarii mihi numinis instar

      Vmbra Poligniaci, si vacat, affer opem.

Leidae, S Iulii 1748